KULE EMAN KA JANAZA HAI UTHA

NOHA - نوحہ

شاعر:  جوّاد جعفری           سوز:  منظور حسین  

کلِ ایماں کا جنازہ ہے اٹھا

دو  جہاں  میں   آج  ماتم  ہے  بپا

پھر   سقیفہ   سے  چلی    تیغِ ستم
زخم   زہرہؑ   کو  لحد  میں  ہے  ملا

شق ہے تلوار سے مولاؑ کی جبیں

لب   پہ   ہے   فزتُ  بہ  ربِّ کعبہ

خون  میں  تر  ہے  محمدؐ کا وصی

گھر میں زہرہؑ کے ہے ماتم کی صدا

اپنے محسن پہ ستم دھاتے نہیں
ابنِ ملجم   تجھے   آئی   نہ حیا

آج   حسنینؑ   ہوئے   خاک  بسر
سر ہے پردیس میں زینبؑ کا خلا

یہ  ہے  مولاؑ  کی وصیّت غازیؑ
بعد میرے  تو ہے زینبؑ کی ردا

ماں گئی چھوڑ کے بابا بھی چلے
کون   دنیا  میں   یتیموں  کا  رہا

رو کے زینبؑ سے یہ فضّہ نے کہا
تیری قسمت میں ہے اب شام لکھا

کون جوّادؔ!    علیؑ   سا   ہے  سخی
جس نے قاتل کو بھی شربت ہے دیا