TERE BABAY DE SA AKHRI NE A JA
HUNR DER NA LA ZAINAB SA
NOHA SHAHADAT IMAM ALI AS IN RAMZAN
POET : SAMAR ABBAS
نوحہ شہادت امام علیؑ
تیرے بابے دے ساں آخری نے آجا
ہنڑ دیر نہ لا زینبؑ
جیوے بولڑا اے دباراں وچ نانے دے دین لئی توں
مینوں بول کے وخا زینبؑ
سِر وارنا اے جیوے دیں تو حسین ؑ نے
چادر توں وار دیوی
جیڑے نبیاںؑ تو وی ہوئے نہ او مسئلے دین دے توں
حل کرنے بے ردا زینبؑ
شاہ آکھیا اے دھی نوں حسرت علیؑ دی اے
دنیا تو جاندی واری
جیوے پڑھدی سے وچ حجرے دے انج کول میرے بہہ کے
قُرآن تے سنڑا زینبؑ
وعدہ اے تیری دھی دا قیداں نبھانڑ لئی
جاواں گی شام وچ میں
ہراِک دیوارتےخون دے نل لکھیاہوےگا باباؑ
توحید دی بقا زینبؑ
سر چم کے باپ دا اے دھی آکھدی رئی
آوی توں کربلا وچ
اُس رات حسینؑ دے لاشے دا پہرا دیوے گی باباؑ
عباس ؑ دی جگہ زینبؑ
بازار ہنڑ گے تے دربار ہنڑ گے
ہوونڑ گے قید خانے
میری دھی توں نل بدکاراں دے انج بولڑا اے ہر تھاں
جیوے بولدا خُدا زینبؑ
اکھاں بجیاں ویکھیاں جد مولا دیاں ثمرؔ
احمدؐ نے وینڑ پائے
آیا ونڑ بتولؑ دا عرشاں توں بینڑا دی آس غازیؑ
ویرا دا آسرا زینبؑ
